Д.Хаянхярваа: Хоёрдугаар сарын цалин,тэтгэврийн нэмэгдлийг нөхөж олгоно

УИХ 2012 оны төсвийн тодотголыг баталсантай холбогдуулан Сангийн сайд Д.Хаянхярваагаас дараах тодруулгыг авлаа.

-Энэ оны төсөвт тодотгол хийснээр хоёрдугаар сарын 1-нээс нэмэхээр төлөвлөөд байсан цалин, тэтгэврийн санхүүжилт төсөвт суулаа гэж ойлгож болох уу?

-Болно. Төсөвт тодотгол хийснээр хоёрдугаар сарын 1-нээс нэмэхээр шийдвэрлэсэн цалин, тэтгэврийн нэмэгдлийг олгохоор боллоо гэж ойлгож болно.

-Хоёрдугаар сард олгох байсан цалин, тэтгэврийн нэмэгдлийг нөхөж олгох уу?

-Олгоно.

-Цалин, тэтгэврийг нэмснээр инфляцад нөлөө үзүүлэх болов уу. Энэ талаар судалгаа хийж үзсэн үү?

-Нэгдүгээр сарын сүүлчийн мэдээгээр инцфляц 11-12 хувьтай байсан. Хоёрдугаар сарын дүн мэдээ гаргаагүй байна. Ямартай ч, инфляцыг бууруулах бодлого барьж байгаа.

Нийтлэлч
Ш.Шийлэг
Эх сурвалж
Үндэсний шуудан