Эх орны хишиг сангийн болон Эрдэнийн хувь хуулийн төслийг нэгтгэн боловсруулж, чуулганы хуралдаанаар хэлэлцүүлэхэд бэлтгэх үүрэг бүхий Ажлын хэсгийг УИХ-ын даргын 2009 оны зургадугаар сарын 22-ны өдрийн захирамжаар байгуулсан. Оюутолгойн гэрээг баталснаар намуудын сонгуулийн амлалт нэхэгдэх нь гарцаагүй. Ажлын хэсгийн гишүүн, Эх орны хишиг сангийн тухай хуулийн төслийг санаачлагч, УИХ-ын гишүүн Г.Занданшатартай ярилцлаа. Энэ долоо хоногийн Байнгын хороо болон чуулганы нэгдсэн хуралдаанаар төслийн анхны хэлэлцүүлэг өрнөх юм.
-Ажлын хэсгээр сонин юу байна, сонгуулийн амлалтуудыг хэрэгжүүлэхэд шаардлагатай хуулийн төслүүд бэлэн болж байгаа юу гэдгээс асуултаа эхлэх нь зөв болов уу?
-Олон улсын туршлага, бодит тооцоонд үндэслэж Эх орны хишиг сангийн тухай хуулийн төслийг боловсруулсан. Иргэддээ эх орны хишиг хүртээх орлогын эх үүсвэрийг тодорхой болгож өгсөнд энэ хуулийн ач холбогдол оршиж байгаа.Стратегийн орд газруудын төрийн өмчид ногдох ашиг, аж ахуйн нэгжийн орлогын албан татварын 25 хувь, ашигт малтмалын нөөц ашигласны төлбөр, олон улсын зах зээлд байршуулсан санхүүгийн хэрэгслээс олох орлого, хөрөнгө оруулагчдын урьдчилгаа төлбөр зэрэг татвар, хураамжаас Эх орны хишиг сангийн орлого бүрдэх юм. Тийм учраас Эх орны хишиг сангийн тухай хуулиар тодорхой орлого бий болж, хэрэгжих механизм нь ч тодорхой байх юм.
-Эрдэнийн хувийн тухай хуулийн талаар юу хэлэх вэ. Хоёр төслийг нэгтгэж, дундын хувилбар гаргах ёстой биш үү?
-Эх орны хишиг сангийн тухай хууль хэрэгжих үндэслэлтэй, иж бүрэн харилцааг зохицуулах бололцоотой гэж үзэж байгаа. Хууль батлагдвал санхүүжилтийн журмыг нь Засгийн газрын тогтоолоор баталдаг байх юм.АН-ын бүлгийн Ажлын хэсгийнхэн төслүүдийг нэгтгээд Эх орны эрдэнийн сангийн тухай хууль болгоё гэсэн саналтай байдаг. Нэгтгэсэн төсөл нь хүчин төгөлдөр мөрдөгдөж буй хэд хэдэн хуультай зөрчилдөхөөр, хэрэгжих үндэслэл муутай, “Баян Монгол” корпорацийн Удирдах зөвлөл, сангийн болон Хяналтын зөвлөлийг нь УИХ-аас баталж байх зэргээр байгууллагын дүрэм шиг болсон байна билээ.
-Оюутолгой ордын хөрөнгө оруулалтын гэрээг өнөөдөр байгуулна. Үүнийг дагаад намуудын сонгуулийн амлалт нэхэгдэж эхлэх байх. Гэрээ байгуулснаар сонгуулийн амлалт хэрэгжих цаг, хугацаа ойртож байгаа гэж ойлгож болох уу. Урьдчилгаа хэлбэрээр орж ирэх 250 сая доллараас хувь хүртэнэ гэсэн бодолтой хүн олон байх шиг байна билээ?
-Амлалтаа хэрэгжүүлэхийн тулд эхлээд эрх зүйн орчноо тодорхой болгож, намууд саналаа нэгтгэж, санхүүгийн тодорхой байдал бий болгох хэрэгтэй. Урьдчилгаа хэлбэрээр орж ирэх 250 сая доллараас эхний ээлжинд ахмадууддаа, мөн иргэний бүртгэлийн системийг боловсронгуй болгох зорилгоор иргэддээ тэгш хуваарилах зарчмаар олгох ёстой гэсэн саналтай байгаа. Эх орны хишиг сангийн тухай хууль батлагдсанаар намуудын сонгуулийн амлалт хэрэгжих эхний алхам бүрдэнэ гэсэн үг. Хуулийн төслийг хэлэлцэхэд бэлэн, эдийн засгийн үндэслэлийг нь ч сайн боловсруулсан. АН-ын бүлгийн гишүүд Эрдэнийн хувь, “Баян Монгол” корпорацийн тухай хуулийн төсөлтэй “механикаар” нэгтгэж хэлэлцэнэ гэснээс болж удааширч байна.Өнөөдөр Оюутолгойн хөрөнгө оруулалтын гэрээг байгуулна. Эрдэс баялаг, эрчим хүчний сайд Д.Зоригтоор ахлуулсан Засгийн газрын Ажлын хэсэг сайн ажилласны үр дүнд Эх орны хишиг өгөх
No comments:
Post a Comment